Монголын эдийн засаг зах зээлийн мэдээ
“Рио Тинто” хаалттай хуралдана
2013 оны 2 сарын 6
"Рио Тинто" компанийн хувь нийлүүлэгчид Монголын талтай Оюутолгойн асуудлаар өнөөдөр Улаанбаатарт уулзалт хийх юм. Хурал хэзээ, хаана болох талаар Оюутолгойн зүгээс тодорхой мэдээлэл өгөх боломжгүй гэсэн бөгөөд хувь нийлүүлэгчдийн уулзалтын дараа албан ёсны мэдэгдэл хийнэ гэлээ. Байнга л хийдэг энгийн нэгэн хувь нийлүүлэгчдийн уулзалт гэж хөрөнгө оруулагчид хэлж байгаа боловч энэ удаагийн хуралд Монголын талаас чухал ач холбогдол өгч буй.Харин өчигдөр www.ot.mn цахим хуудсанд тавигдсан мэдээллээс үзвэл Оюутолгой компанийн Ерөнхийлөгч бөгөөд Гүйцэтгэх ерөнхий захирал Камерон Мак Рей нь “Бид бизнесийн үйл ажиллагаагаа нээлттэй, ил тод хэвээр явуулж байгаа. Эдгээр асуудлыг лхагва гаригийн хувь нийлүүлэгчийн хурлаар дахин авч хэлэлцэх бөгөөд Засгийн газрын зүгээс бидний байр суурийг сонсох, харилцан ойлголцох уулзалт болно гэж найдаж байна” гэж онцолсон байлаа.
Э.ГАН
Энэ сэдвээр: Оюутолгой
