Монголын эдийн засаг зах зээлийн мэдээ
Шилдэг аж ахуйн нэгжийн тугийг залжээ
Өчигдөр 17 цаг 45 минут
Монголын үндэсний худалдаа аж үйлдвэрийн танхимын гадна талд “Оны шилдэг аж ахуйн нэгж”-ийн лого тэмдэг бүхий тугийг жилийн турш мандуулдаг уламжлалтай. 2012 он, луу жилийн шилдэг аж ахуйн нэгжүүдийн тугийг залах ёслол өнөөдөр боллоо. Луу жилийн шилдэг аж ахуйн нэгжээр тодорсон “Гран при” шагналт “Номин холдинг”, оны онцлох аж ахуйн нэгж “Өгөөж чихэр боов”, “Бишрэлт холдинг”, “ТЭСО”, “Ханбогд кашемир”, “Алтан Дорнод Монгол”, “Монос групп”, “Энержи ресурс”, “Голомт” банк, “Тавантолгой транс” зэрэг компаниуд тугаа залжээ. Шилдгээр шалгарсан аж ахуйн нэгжүүдийн тугийг залж мандуулахаас гадна үйл ажиллагаатай нь танилцуулах аян зохион байгуулж, бизнес эрхлэгчдийн туршлагыг лекц болон бусад хэлбэрээр түгээх ажлыг жилийн турш зохион байгуулах юм байна. Д.ЦЭЭНЭ
